Bube Eser: Gunehkariya Partiyên Bakurê Kurdistanê!!! - Nerina Azad Tarafsız ve güvenilir Kurd ve Kurdistan haberleri - Peşmerge, Barzani
Bube Eser Nêrînên Dawî

Gunehkariya Partiyên Bakurê Kurdistanê!!!

Ew partiya neteweyî kar kir wê rojekê gelê xwe û welatê xwe jî azad bike.Na heger partî ji xeta neteweyî dûr û bi dû berjewendiyên şexsî de bin, ew partî wê tu caran nikaribe welatê xwe azad bike. Ji ber ku karê wê hemû dê ji bona berjewendiya şexsan here.
Gunehkariya Partiyên Bakurê Kurdistanê!!!
Nêrîn Belav bike

Ji bona gundek di karê xwe de serketîbe û ji gundên der dora xwe pêştetir be, divê ew gund xwediyê xwe, muxtar an jî axayekî baş be.

Ji bona eşîretek xurt be, bê tirs û serketî be divê serokeşerekî weha mêrxas, jêhatî û kêrhatî hebe da ku bikaribe karê eşîretê bi rêve bibe û eşîra xwe di nava eşîrên din de bike ya serketî .

Axayek ji bona bikaribe axatiyê bike, divê wêrek ango mêrxas be, jêhatî be, camêr û comert be, xwedî soz û gotina xwe be, da ku gundî jî ji gotina wî dernekevin û her weke wî bikin.

Ji bona rêxistineke doza azadiya gelê xwe., serxwebûna welatê xwe bike. Divê ew rêxistin berê neteweyî bifikire, di nava xwe de sazûmana ruhiyeta tekoşeriyê xuliqandibe da ku bikaribe bi wêrekî tekoşîna azadiya gelê xwe bide.

Rêxistina doza azadiya welatê xwe dike, divê berî her tiştî li ser vê sozê û li gor baweriya neteweyî kar bike. Endam û hevalbendên xwe di vî warî de perwerde bike da ku hemû bi hevre bikaribin tenê neteweyî bifikirin û li ser xeta neteweyî karê partiya xwe bike.

Ew partiya neteweyî kar kir wê rojekê gelê xwe û welatê xwe jî azad bike.Na heger partî ji xeta neteweyî dûr û bi dû berjewendiyên şexsî de bin, ew partî wê tu caran nikaribe welatê xwe azad bike. Ji ber ku karê wê hemû dê ji bona berjewendiya şexsan here.

Bala xwe bidinê ji roja welatê me perçe kirine û heta demek dûr û dirêj Kurdistana li ser asasê eşîretan mezin bûye, her dev ji wê yekê bernedan. Ev sîstema di demek dirêj de jiya û hê jî bi hêz û qawet e ku dijî. Lê…

Çi dema hin eşîretan dawxaza azadiye welatê xwe dikirin, ji bona kurdistanê ji bin nîrê dagirkeran xilas bikin, hin eşîretên din jî li dij brayê xwe li gel dijminê xwe karê kuştina kurdan kiribûn, dikirin û bi saya wan kurdistan heta niha nehat azadkirin.

Ji ber vê û ne li hevbûna eşîretan kurdistan nehat azadkirin. Kurd tim bûne kolên Tirk Ecem û ereban. Van dagirkeran jî her kurd weke kole didîtin û bi kar dianîn.

Piştî salan şêstî û virde, dema partî û rêxistin hatine damezrandin ve carê jî eşîretên me xwe kirin partî an partiyên me bûne weke eşîretan.

Dema em li dîrokê dinêrin dibînin ku tu caran li bakurê kurdistanê eşîretên kurdan weke bra li gel hev û li dij dijmin şerê azadiya welatê xwe nedane. Hinan ew şer didan hinên din jî her li gel dijmin li hemberî brayê xwe şer dikirin.

Heger em îro jî vê rewşê li qelemê bixin, em ê bibînin ku partî û rêxistinên me jî her weke eşêrên me kirine û dikin. Çi dema pêwîstiya yekîtiyê bûye û  hin rêxistinan xwestine vê pêk bînin, tê dîtin ku hin rêxistanan jî kar kirine ku ev pêk neyê.

Rewşa welat, tevliheviya îro em têdene diyar e. Ji bona mirov ji tevliheviyê xilas bibe, hêzeke neteweyî xurt bo me kurdên bakurê kurdistaê lazim e.

Lê hezar mixabin, partî û rêxistinên me ji vê yekê dûr in. Bi xwe û bi serokatiya xwe biliyane. Derdê wan ne welat, ji welat bêtir partiya wan e. Derdê wan ew e ku heger tevger an eniyek e netewe pêk bê wê gelek rêvebir û serok jî ji wê erkê dûr bikevin. Loma naxwazin û naxwazin dîsa naxwazin.

Di şertên îro yên xerab de, divê hemî partiyên heyî di bin sîwaneke neteweyî de bûbana yek. Lê em dibînin ku parityên me ji vê yekê dûr in. Ew jî weke eşîretên me karê xwe bi rêve dibin.

Partiyek tehmula yeka din nake. Serokek nikare tehamula serokekî din bike. Endamên xwe hemî kirine sofî da ku tim pesnê wan bidin.

Em baş dizanin, heger eşîretên kurdan li bakur yekîtiya xwe pêk anîbana îro niha bakurê kurdistanê azad ba.

Em dîsa baş dizanin ku çi dema partî û rêxistinên bakurê kurdistanê di bin sîwaneke neteweyî yekîtiya xwe pêk bînin wê bakurê kurdistanê azad bikin. Lê nakin ji ber hê mejiyên wan ê eşîretî yê ne.

Êdî li bakurê Kurdistanê bêtirîn siyasetmedarên me li gel berjewendiyên xwe ê şexsî tevdigrin. Piraniya wan bi nexweşiya serokatiyê ketine. Ji bona bibin serok jî rêxistina xwe perçe dikin da ku hêzeke xurt li bakurê Kurdistanê peyde nebe. Ji ber ku ew jî baş dizanin ku hêzek xurt û neteweyî wê pêşî li serokatiya gelekan bigire. Ev jî dide zanîn, bi van serok û rêvebiran re hê jî ruhiyeta neteweyî peyde nebû ye. Ji ber ku piraniya wan ji neteweya xwe bêtir xwe difikirin.

Aha hilbijartinên şaredaiyê di sala 2019an li tirkî û li bakurê kurdistanê dê pêk bê. Ka gelo çi hazirî, plan û projeyên partî û rêxistinên me hene. Gelo wê çawa bikaribin hin şaredariyan bi dest bixe???

Heta ku partî û rêxistinên me jî weke eşîrên me yên berê tevbigerin, mejî û dîtinên wan ji hizra neteweyî dûr be, wê tu caran bakurê kurdistanê negihêje azadiya xwe û gunehkariya vê yekê jî tenha partî û rêxistinên heyî, serok û rêberên niha ne.

 

Vî nêrînê tevayî: 1142 kes dît.
Rojanekirina Dawî:08:20:00

Nêrînên Dawî

Tirkî xweş e û heta tu wî bi kar bîne tu nabe kurdekî weke Kurd… Kurdno!!! Malxerabno ma ne bes e êdî!!! Em Kurd miletekî weha ne!!! Kurdno!!! Îro rojava ye sibê, bakur, rojhilat û başûr e. Sebir û sikûnet avakirina dewleta kurdî ye!!! Dilxweşî kêfxweşî û serbilindî Heta tu kurdî bi karnîne tu nabe weke kurdekî!!! Çîroska agirê şevreşê ronî bike pê ket Civata me sal mezinan!!! Lîstik pir in lê yên fêm bikin tune ne. Kurd kirine pez pkk jî kirine şivanê wan Êdî dev jê berdidim!!!! Leyla Guven û Greva birçîbûna wê Girîngiya hukumeta nû ya Başûrê Kurdistanê Bi gotneke tahl û rastiya partiyên me Boxtan, Derew û şelaftî… Barzanî û Şoreşên wan!!! Dagirkerên me niha di nava lîstikek nû de ne!!! Azadî demokrasî û serxwebûn bi rêya partiyan û dezgehan tê Nameyeke vekirî ji bona rêzdar Mesud Barzanî Daxwaza Apo, Apocî û Apocitiyê çiye? Em ji ku hatin, li ku sekînin û bi ku diharin? Vê hilbijartinê çi da me Kurdan??? Bê Deweletî mirin e Ji bona koçkirina 40 saliya nemir Barzanî. Di siyaseta kurdan de hin qarekter Barzanî çima û çawa bi serdikevin? Gelo em çima kêm caran behsa PDKÎ dikin? Di hilbijartina herêmî de helwesta partiyên me divê çi be? Em çima nabin dewlet??? Roja 9 meha îlonê dê çi bibe? Erd hêj û mejî hêj yanî zelzeleya erdê û mejî Li Bakurê welatê me çima yekitiyek xurt pêk nayê? Siyaseta Kurdan!!! Partiyên me çima bi ser nakevin? Neteweyîbûn çi ye? Kî neteweyî ne? Ma ne bese êdî Ez westiyam!!! Lê… Kîne rêxistin û partiyên me? Siyaset li bakurê Kurdistanê Hilbijartina 2019an li Tirkiyê û helwesta Kurdan Kurd çima nabin dewlet? Kurd çima nabin dewlet? Îro pêwîstiya bakurê Kurdistanê ji çi heye? Kurdno bibînin ku hûn dişewitin! De ka ez ê çawa binivîsînim Kongreya HDP û Kurd Kurd, Erdogan û darbe! Di rojhilata navîn de ava serê kê dikele? Çima nivîsandina Roman û Şanoya Enfalê? Siyaset li bakurê Kurdistanê Xemginiya min ji bona hin dostan Bi kêrê hustiyê min jê dikir Dost di rojên teng de diyar dibin Barzaniyan çi kirin? Em carna neheqiyan li partiyên xwe dikin!!! Daxwazî û Agahdariyek Têgihiştin... Têgihiştin... Ji ber çi û çima Mesud Barzanî? Em û partiiyên me Barzanî û sê şoreşên talî Barzanî ne bi tenê ye!!! Kurd çima wenda dikin Mam Celal çû lê… Rastiyek ji rastiyan Referandûmê çi da me??? Rewşa Aloz û Rexne!!!! Kî Çima li dij referandûmê ne? Kî/kê bêtir xizmeta zimanê tirkî kirine û dikin Em Li Ku Ne! Enfal!!! Ev Şansa Kurdan ya Talî ye! Kurd û Îsraîl Dagirkirî çaw pêk tê? Çima kurd li hemberî hev ewqasî dexs û hesûd in? Em û partiyên me Kî û çima sansorê bi kar tînin? Apoyiyan çi digotin û niha çi dibêjin? Giringî û pêwîstiya referandûmê Ziman û rewşenbîrên Akedemîk!!!! Şoreşa Gulanê Kurd û xurifandina wan Çima PKK damezrandin??? Dayikên Me! PKK Çi Dike??? Kurd dê çawa azad bibin? Em, civat û partiyên me RNK-KUK, Ala Rêzgarî û PKK Serok û Serokatî Kurd çima bi ser nakevin? Rexne û Partiyên me! Barzanî û Helwestên wan PKK û êrîşkariya wan ya… Barzanî kî ne? Sûcdar kî ne??? Em Çima Dinivîsînin? Rastî ji xeyalan pêk tê lê PKK ji çi pêk tê??? Çima ev partî ? (Me partiyeke çawa divê? -II) Me partiyeke çawa divê??? Çareserî? (Çi çû çi hat pkk ji ku hat - 2) Çi çû çi hat û PKK ji ku hat??? Çima Kurdistaneke serbixwe û PKK??? Muxalefet Çi Ye? Yekitiya Kurdan çê nabe! Lê... PKK Tu Caran Naqede!!! Partiyên me çi dikin??? PKK û Dewlet Tiyatro dilîzin!!! Firseta zêrîn ji dest dihare Pêşeroja me û PKK!! Mizgînî!!! Partiyên Bakurê Kurdistanê bûn yek! Dîrok, bîranîn û PKK Gelo çi bi Ergenekona kurdan hat? Sê xeterên kurdan yên sereke PKK çawa dest pê kir? Analîzeke kurt li ser PKK