Bube Eser: Kurdno!!! Malxerabno ma ne bes e êdî!!! - Nerina Azad Tarafsız ve güvenilir Kurd ve Kurdistan haberleri - Peşmerge, Barzani
Bube Eser Nêrînên Dawî

Kurdno!!! Malxerabno ma ne bes e êdî!!!

Kîjan milet, xelk û civat ji zimanê xwe bê par mane, wan her tiştên xwe jî wenda kirine. Em li cihanê binêrin em ê bibînin ku bê çendîn miletê berê bi hêza xwe, bi zimanê xwe, bi qaweta xwe mezin bûn, îro tenê weke nav mane ew jî ji ber ku zimanê wan ne ma.
Kurdno!!! Malxerabno ma ne bes e êdî!!!
Nêrîn Belav bike

Êdî dinya jî zimanê Kurdî weke zimanekî cîhanê û fermî qebûl dike. Fecabook û Twitterê ev pejirand. Lê hê jî piraniya kurdên bakurê kurdistanê li xwe hay nebûne û nikarin li zimanê xwe vegerin. Wî zimanê şêrîn bi kar bînin. Pê bixwînin û binivîsînin. Aha malwêraniya mezin ev e...

Belê ji bona em Kurd bi temanî ji holê ranebin, ji bona em bikaribin xwe, axa xwe, welatê xwe, namûs û hêjayiyên xwe biparêzin divê em zimanê xwe ji bîr nekin û dev ji zimanê dagirkeran berdin.

Kîjan milet, xelk û civat ji zimanê xwe bê par mane, wan her tiştên xwe jî wenda kirine. Em li cihanê binêrin em ê bibînin ku bê çendîn miletê berê bi hêza xwe, bi zimanê xwe, bi qaweta xwe mezin bûn, îro tenê weke nav mane ew jî ji ber ku zimanê wan ne ma.

Niha em êdî dîbînin cihana ku heta niha dostaniya kurdan nekiribûn û niha pê hesiyan ku berjewendiya wan di kurdan de heye, xwedî li zimanê me derdikevin. Hêdî hêdî wê didin pêş  Mala wan ava be. Ev jî baş e.

Li vê cîhanê carekê anîn zimên û nivîsên ku zimanê kurdî di qada navneteweyî de zimanê mezin e û ew di rêza nehan de destnîşan kirin. Ha mirov dikare ji wan bipirse ku ev sed salên hûn li ku bûn? Lê êdî hewce nake. Ya girîng qebûlkirin û nasîna miletê Kurd û zimanê wî ye.

Em dibînin êdî şîrketên mezin jî zimanê me, kurdiya delal li hember tehdîtên tirkan, weke zimanekî fermî qebûl dikin. Ji wana Facebook û Twitter e. Helbet gelekên din hene. Lê vana gelekî girîng e ji ber ev herdu, niha ketine xwîna mirovantiyê û bê wan hema hema jiyan nema dibe.

Ev rewş me fêrî çi dike gelo? Me fêrî wê yekê dike û ji me re dibêje; ´Kurdno hay ji xwe hebin, dewleta we tê damezrandin, em êdî zimanê we qebûl dikin, divê hûn jî li xwe vegerin û zimanê xwe xurt bikin. Bi wî qise bikin, bixwînin û binivîsînin´.

Lê hûn bawer bikim em kurd ango kurdên bakurê kurdistanê, piraniya siyasetmedar, rewşenbîr û nivîskarên me hê jî ev fêm nekirine.

Çima???

Ji ber ku piraniya partî û rêxistinên bakurê kurdistanê hê jî siyaseta kurdî bi zimanê tirkî dikin. Ev jî li hev nayê. Loma pêşketina wan nabe û her di cihê xwe de dijmêrin. Fêm nakin û tênagihêjin ku her miletek bi zimanê xwe heye û ew dikare bi wî zimanî gelê xwe azad bike.

Nivîskarên me hê tênegihiştine ku dema ew berhemên xwe bi zimanê tirkî dide weşandinê ew berhem êdî dibe malê tirkan. Ew dibe a tirkan. Ji ber ku her berhemek bi kîjan zimanê hatibe nivîsîn û weşandin ew dibe malê wî zimanê.

Siyasetmedarno, nivîskarno,, rewşenbîrno yên ku ji xwe re dibêjin; Ez kurd im. Carekê çavên xwe vekin û bibîne bê niha dinya çawa xwedî li zimanê te derdikeve.

Carekê serê xwe rakin û bibînin bê wan şîrketên mezin yên cîhanî çawa zimanê te weke zimanê kurdî û fermî qebûl dikin. Lê tu hê jî nikare zimanê xwe fêr bibe.

Çareserî???

Min û gelek canik û camêran gotine,, nivîsîne lê li kurdên me yên bakurê kurdistanê weha hatiye ku nikarin bê tirkî bijîn. Heta bi wî zimanê qise nekin rehet nabin.

Rewş wan bûye weke qesên alkolê bi kartînin û bi wê ve hatine girêdanê. Wan kesên alkolîst dema bê wê dimînin xwe wenda dikin, heşê wan ji serê wan dihare,, heta ku wê peyde dike.

Piraniya rewşenbîr û siyasetmedarên me jî weha ne, dema bi zimanê tirkî neaxifin û nenivîsînin bê heş in. Çi dema ew jî vî zimanî bi kar tînin rehet dibim. Kêfa wan tê cîh,, heşê wan tê serê wan, lê fêm nakin bi vê yekê, xwe, zimanê xwe, adetên xwe û gelê xwe dikujin.

Heta partî û rêxistinên kurdistanê bi awayekî fermî dev zimanê tirkî bernedin, heta ku nivîskar û rewşenbîrên me dev ji zimanê dijminê xwe bernedin, ew bi xwe qatil in Ew bi xwe dijminê zimanê xwe ne. 

Bes e êdî dev ji vê berdin. Li xwe vegerin, bibin weke xwe. Li deng û rengên xwe vegerin. Bes e êdî bi zimanê tirkî berheman binivîsînin. Bes e êdî bi zimanê dijminê xwe siyasetê bikin.

Careke bifikirin; ji ber bi karkanîna zimanê dagirkerên xwe hûn partiyên kurdistanî bi pêşve nakevin. Vê bibînin û xwe biguherin.

Nivîskarên bi zimanê dijminê xwe berhemên xwe diafirînin, bibînin ku hûn, xwe û miletê xwe dikujin. Bes e êdî dev ji nivîsandina berhemên xwe bi zimanê dijminê xwe berdin. Heta ku hûn zimanê dagirkerên xwe bi kar bînin hûn dibin kujerê zimanê xwe…

HAHO HAHO!!! MA NE BES E ÊDÎ KURDNO!!!

Vî nêrînê tevayî: 1112 kes dît.
Rojanekirina Dawî:19:26:07

Nêrînên Dawî

Tirkî xweş e û heta tu wî bi kar bîne tu nabe kurdekî weke Kurd… Em Kurd miletekî weha ne!!! Kurdno!!! Îro rojava ye sibê, bakur, rojhilat û başûr e. Sebir û sikûnet avakirina dewleta kurdî ye!!! Dilxweşî kêfxweşî û serbilindî Heta tu kurdî bi karnîne tu nabe weke kurdekî!!! Çîroska agirê şevreşê ronî bike pê ket Civata me sal mezinan!!! Lîstik pir in lê yên fêm bikin tune ne. Kurd kirine pez pkk jî kirine şivanê wan Êdî dev jê berdidim!!!! Leyla Guven û Greva birçîbûna wê Girîngiya hukumeta nû ya Başûrê Kurdistanê Bi gotneke tahl û rastiya partiyên me Boxtan, Derew û şelaftî… Barzanî û Şoreşên wan!!! Dagirkerên me niha di nava lîstikek nû de ne!!! Azadî demokrasî û serxwebûn bi rêya partiyan û dezgehan tê Nameyeke vekirî ji bona rêzdar Mesud Barzanî Daxwaza Apo, Apocî û Apocitiyê çiye? Em ji ku hatin, li ku sekînin û bi ku diharin? Vê hilbijartinê çi da me Kurdan??? Bê Deweletî mirin e Ji bona koçkirina 40 saliya nemir Barzanî. Di siyaseta kurdan de hin qarekter Barzanî çima û çawa bi serdikevin? Gelo em çima kêm caran behsa PDKÎ dikin? Di hilbijartina herêmî de helwesta partiyên me divê çi be? Gunehkariya Partiyên Bakurê Kurdistanê!!! Em çima nabin dewlet??? Roja 9 meha îlonê dê çi bibe? Erd hêj û mejî hêj yanî zelzeleya erdê û mejî Li Bakurê welatê me çima yekitiyek xurt pêk nayê? Siyaseta Kurdan!!! Partiyên me çima bi ser nakevin? Neteweyîbûn çi ye? Kî neteweyî ne? Ma ne bese êdî Ez westiyam!!! Lê… Kîne rêxistin û partiyên me? Siyaset li bakurê Kurdistanê Hilbijartina 2019an li Tirkiyê û helwesta Kurdan Kurd çima nabin dewlet? Kurd çima nabin dewlet? Îro pêwîstiya bakurê Kurdistanê ji çi heye? Kurdno bibînin ku hûn dişewitin! De ka ez ê çawa binivîsînim Kongreya HDP û Kurd Kurd, Erdogan û darbe! Di rojhilata navîn de ava serê kê dikele? Çima nivîsandina Roman û Şanoya Enfalê? Siyaset li bakurê Kurdistanê Xemginiya min ji bona hin dostan Bi kêrê hustiyê min jê dikir Dost di rojên teng de diyar dibin Barzaniyan çi kirin? Em carna neheqiyan li partiyên xwe dikin!!! Daxwazî û Agahdariyek Têgihiştin... Têgihiştin... Ji ber çi û çima Mesud Barzanî? Em û partiiyên me Barzanî û sê şoreşên talî Barzanî ne bi tenê ye!!! Kurd çima wenda dikin Mam Celal çû lê… Rastiyek ji rastiyan Referandûmê çi da me??? Rewşa Aloz û Rexne!!!! Kî Çima li dij referandûmê ne? Kî/kê bêtir xizmeta zimanê tirkî kirine û dikin Em Li Ku Ne! Enfal!!! Ev Şansa Kurdan ya Talî ye! Kurd û Îsraîl Dagirkirî çaw pêk tê? Çima kurd li hemberî hev ewqasî dexs û hesûd in? Em û partiyên me Kî û çima sansorê bi kar tînin? Apoyiyan çi digotin û niha çi dibêjin? Giringî û pêwîstiya referandûmê Ziman û rewşenbîrên Akedemîk!!!! Şoreşa Gulanê Kurd û xurifandina wan Çima PKK damezrandin??? Dayikên Me! PKK Çi Dike??? Kurd dê çawa azad bibin? Em, civat û partiyên me RNK-KUK, Ala Rêzgarî û PKK Serok û Serokatî Kurd çima bi ser nakevin? Rexne û Partiyên me! Barzanî û Helwestên wan PKK û êrîşkariya wan ya… Barzanî kî ne? Sûcdar kî ne??? Em Çima Dinivîsînin? Rastî ji xeyalan pêk tê lê PKK ji çi pêk tê??? Çima ev partî ? (Me partiyeke çawa divê? -II) Me partiyeke çawa divê??? Çareserî? (Çi çû çi hat pkk ji ku hat - 2) Çi çû çi hat û PKK ji ku hat??? Çima Kurdistaneke serbixwe û PKK??? Muxalefet Çi Ye? Yekitiya Kurdan çê nabe! Lê... PKK Tu Caran Naqede!!! Partiyên me çi dikin??? PKK û Dewlet Tiyatro dilîzin!!! Firseta zêrîn ji dest dihare Pêşeroja me û PKK!! Mizgînî!!! Partiyên Bakurê Kurdistanê bûn yek! Dîrok, bîranîn û PKK Gelo çi bi Ergenekona kurdan hat? Sê xeterên kurdan yên sereke PKK çawa dest pê kir? Analîzeke kurt li ser PKK