Bube Eser: PKK çawa dest pê kir? - Nerina Azad Tarafsız ve güvenilir Kurd ve Kurdistan haberleri - Peşmerge, Barzani
Bube Eser Nêrînên Dawî

PKK çawa dest pê kir?

Di jiyanê de her tişt, ji destpêka xwe de destpê dike û dihare. Çi dibe bila bibe te çawa destpêkir dê weha here, heta ku hêzek, qaweteke ji wê xurtir dernekeve dê her weha bidome.
PKK çawa dest pê kir?
Nêrîn Belav bike

Lê baş tê zanîn ku her tist wê weke destpêka xwe nere û wê li derekê biqewime ku li xwe vegere.

Heger bê bîra kurdên me yên bakurê kurdistanê, piştî salên heftê gelek partî û rêxistinên me hatin avakirin û damezrandin. Hemû partiyên me yên siyasî ji tirkî de destpêkirin û hê jî gelek ji wan li ser wê yekê ne.

Ez vê vekim da ku em hinekî bi hevre li ser rawestin, bê çima ez weha dibêjim?

Belê partiyên me bi tirkî ava bûn. Loma zimanê wan jî bû tirkî. Civînên xwe, meş û xwepêşandanin xwe, destûr û bernameyên xwe bi tirkî nivîsin bi tirkî xwendin...

Vê çi bi xwe re anî?

Xurtkirina zimanê tirkî û qelsbûna zimanê zikmakî anî. Ev bû sedem, herku çû zimanê kurdî di nava kurdan de qels û lawaz û zimanê tirkîjî xurt bû. Em ketin rewşeke weha ku êdî piraniya kurdan bi zimanê tirkî digot in: "Em nikarin xwe bi kurdî îfade bikin" Lê fêm nedikirin ku ev malwêranî û talankirina zimanê dayikê ango kurdî ye.

Lê heger partiyên me damezrandinên xwe, destûr û bernameyên xwe bi kurdî kiribana wê îro rewşa zimanê me ne li ber têkçûnê ba. Ha gelek partî ji vê helwesta xwe vegeriyanin lê hê jî di nava wan de tirkî nivîs û tirkî axêf ji kurdî xurtir e. Lê mijara vê nivîsê ne ev e.

Ha min çima ev mînak da?

Niha rewşa kovar û rojnameyên ku kurd derdixin jî weha ne. Karê xwe û nivîsên xwe bêtirîn bi tirkî dikin û bi vê yekê kurdî dikujin.

Evê çawa serrast bibe?

Heger em weke rewşenbîrên vî welatî, rêxistin û partiyên me, rojname û kovarên me bixwazn ev rehet e. Lê mixabin piranî vê naxwazin û gelek kurdên bakurê kurdistanê hê jî heyran û evîndarê zimanê tirkî ne. Ji ber ku tirkî hêjî li ber dilê gelekan şêrîn e.

Ez ne li dij im ku di warê siyasî de car carna tirkî hebe, ji ber ku dagirkerên me tirk in û divê carna rêxistinên me yên siyasî mesajên tirkî jî ji bona gelê tirk bidin. Li gor min ev normal e.

Lê ez ne li gel im ku nivîskarekî/e kurd berhemên xwe bi tirkî biafirîne. Ji ber ku berhemek berê bi kîjan zimanî hate weşandin û nivîskarek bi kîjan zimanî binivîsîne dibe malê wî zimanî.

Heger ez vegerim ser mijara xwe; em dibînin ku îro gelek rojname û kovarên li ser internetê têne weşandin piraniya wan bi tirkî ya jî bi kurdî û tirkî ye. Lê dîsa tirkî serdest e.

Divê em vê jî bizanibin ku heta miletê bindest xwe ji ziman û hemû çûre adetên serdestên xwe, xwe dûr nexin wê şerê azadiya wan dijwartir û zehmetir be.

Ji ber vê ye ku ez dibêjim; pêwîst e ku kurd bi her awayî rojekê berî rojekê xwe ji ziman û adetên dagiran dûr bixin, li xwe vegerin, hêjayiyên xwe biparêzin û xwedî lê derkevin. Aha ev ê him di warê weşanên kurdî de kurdan û him jî di warê siyasî de jî kurdan nêzîkê hev bike da ku bikaribin ji bona azadiya gelê xwe bi hevre di bin sîwanekê de û bi yek zimanî tekoşîna azadiya gelê xwe û xurtkirina zimanê xwe bidin.

Ez ji zûde ye ku malpera hêja nerîna azad dişopînim, ji bilî navê wê û pir hindik mirov nivîsekê bi kurdî tê de dibîne. Ewqasî nivîskarê wê hene, tenê min nivîsa brêz Kadir Amaç ya bi zaravayê zazakî dît. Çima gelo?

Ev malpera hêja, karekî baş weşaneke delal dike. Piraniya nivîskarên wê kurd in, qelema wan xurte lê bi tirkî ye. Xwendevanên wê têra xwe hene. Xizmeta nerîna azad dike hêja ye lê bi vê yekê ew zimanê tirkî xurtir dike.

Min xwest û dixwazim ku ev malper her ku here êdî giraniyê bide zimanê kurdî. Loma min weke ceribandinekê nivîsek bi kurdî û kurmancî ji wan re şand, çamêran weşandin û ji niha pêde ez ê her ji wan re bi kurdî binivîsînim. Piştî wê nivîsa min wan û xebatkarên hêja ez agahdar kirim ku wê beşa kurdî jî vekin. Ev cihê kêfxweşiyê ye û divê êdî rewşenbîrên me yên kurdînivîs wê beşê bi kurdî bixemilînin. Bar ne tenê li ser milê kovar û rojnameyan e. Li gor min berpirsî û barê giran ê nivîskarên kurd e.

Loma jî destpêk girîng e te çawa destpêkir divê tu bizanibe wê weha here. Lê ez naxwazim ev malper her li ber çemê tirkî biherike. Divê em rewşenbîr û nivîskarên vî gelî jî hewl bidin da ku di vê malperê de jî kurdî hebe û em hewl bidin da ku kurdiya wê ji tirkî xurtir bibe. Ji ber ku ziman hebûne û divê em vê hebûnê biparêzin.

Ha pkk çawa destpêkir, ji kuştinê û hê jî li ser ya xwe ye. Heta hêzeke ji wê xurtir û çalaktir dernekeve û hemû karê xwe di çerçovaya demokratîk de nemeşîne, wê pkk jî her kuştinên xwe bidomîne.

Ziman jî weha ye. Heta nivîskarên bi hêz, xwedî qelemên giranbiha, dilsozên gelê xwe û zimanê wî dernekevin, wê rewşa zimanê me jî her weha bi lawazî bidome.

Vî nêrînê tevayî: 8567 kes dît.
Rojanekirina Dawî:08:43:33

Nêrînên Dawî

Serok in lê ne neteweyî ne… Tirkî xweş e û heta tu wî bi kar bîne tu nabe kurdekî weke Kurd… Kurdno!!! Malxerabno ma ne bes e êdî!!! Em Kurd miletekî weha ne!!! Kurdno!!! Îro rojava ye sibê, bakur, rojhilat û başûr e. Sebir û sikûnet avakirina dewleta kurdî ye!!! Dilxweşî kêfxweşî û serbilindî Heta tu kurdî bi karnîne tu nabe weke kurdekî!!! Çîroska agirê şevreşê ronî bike pê ket Civata me sal mezinan!!! Lîstik pir in lê yên fêm bikin tune ne. Kurd kirine pez pkk jî kirine şivanê wan Êdî dev jê berdidim!!!! Leyla Guven û Greva birçîbûna wê Girîngiya hukumeta nû ya Başûrê Kurdistanê Bi gotneke tahl û rastiya partiyên me Boxtan, Derew û şelaftî… Barzanî û Şoreşên wan!!! Dagirkerên me niha di nava lîstikek nû de ne!!! Azadî demokrasî û serxwebûn bi rêya partiyan û dezgehan tê Nameyeke vekirî ji bona rêzdar Mesud Barzanî Daxwaza Apo, Apocî û Apocitiyê çiye? Em ji ku hatin, li ku sekînin û bi ku diharin? Vê hilbijartinê çi da me Kurdan??? Bê Deweletî mirin e Ji bona koçkirina 40 saliya nemir Barzanî. Di siyaseta kurdan de hin qarekter Barzanî çima û çawa bi serdikevin? Gelo em çima kêm caran behsa PDKÎ dikin? Di hilbijartina herêmî de helwesta partiyên me divê çi be? Gunehkariya Partiyên Bakurê Kurdistanê!!! Em çima nabin dewlet??? Roja 9 meha îlonê dê çi bibe? Erd hêj û mejî hêj yanî zelzeleya erdê û mejî Li Bakurê welatê me çima yekitiyek xurt pêk nayê? Siyaseta Kurdan!!! Partiyên me çima bi ser nakevin? Neteweyîbûn çi ye? Kî neteweyî ne? Ma ne bese êdî Ez westiyam!!! Lê… Kîne rêxistin û partiyên me? Siyaset li bakurê Kurdistanê Hilbijartina 2019an li Tirkiyê û helwesta Kurdan Kurd çima nabin dewlet? Kurd çima nabin dewlet? Îro pêwîstiya bakurê Kurdistanê ji çi heye? Kurdno bibînin ku hûn dişewitin! De ka ez ê çawa binivîsînim Kongreya HDP û Kurd Kurd, Erdogan û darbe! Di rojhilata navîn de ava serê kê dikele? Çima nivîsandina Roman û Şanoya Enfalê? Siyaset li bakurê Kurdistanê Xemginiya min ji bona hin dostan Bi kêrê hustiyê min jê dikir Dost di rojên teng de diyar dibin Barzaniyan çi kirin? Em carna neheqiyan li partiyên xwe dikin!!! Daxwazî û Agahdariyek Têgihiştin... Têgihiştin... Ji ber çi û çima Mesud Barzanî? Em û partiiyên me Barzanî û sê şoreşên talî Barzanî ne bi tenê ye!!! Kurd çima wenda dikin Mam Celal çû lê… Rastiyek ji rastiyan Referandûmê çi da me??? Rewşa Aloz û Rexne!!!! Kî Çima li dij referandûmê ne? Kî/kê bêtir xizmeta zimanê tirkî kirine û dikin Em Li Ku Ne! Enfal!!! Ev Şansa Kurdan ya Talî ye! Kurd û Îsraîl Dagirkirî çaw pêk tê? Çima kurd li hemberî hev ewqasî dexs û hesûd in? Em û partiyên me Kî û çima sansorê bi kar tînin? Apoyiyan çi digotin û niha çi dibêjin? Giringî û pêwîstiya referandûmê Ziman û rewşenbîrên Akedemîk!!!! Şoreşa Gulanê Kurd û xurifandina wan Çima PKK damezrandin??? Dayikên Me! PKK Çi Dike??? Kurd dê çawa azad bibin? Em, civat û partiyên me RNK-KUK, Ala Rêzgarî û PKK Serok û Serokatî Kurd çima bi ser nakevin? Rexne û Partiyên me! Barzanî û Helwestên wan PKK û êrîşkariya wan ya… Barzanî kî ne? Sûcdar kî ne??? Em Çima Dinivîsînin? Rastî ji xeyalan pêk tê lê PKK ji çi pêk tê??? Çima ev partî ? (Me partiyeke çawa divê? -II) Me partiyeke çawa divê??? Çareserî? (Çi çû çi hat pkk ji ku hat - 2) Çi çû çi hat û PKK ji ku hat??? Çima Kurdistaneke serbixwe û PKK??? Muxalefet Çi Ye? Yekitiya Kurdan çê nabe! Lê... PKK Tu Caran Naqede!!! Partiyên me çi dikin??? PKK û Dewlet Tiyatro dilîzin!!! Firseta zêrîn ji dest dihare Pêşeroja me û PKK!! Mizgînî!!! Partiyên Bakurê Kurdistanê bûn yek! Dîrok, bîranîn û PKK Gelo çi bi Ergenekona kurdan hat? Sê xeterên kurdan yên sereke Analîzeke kurt li ser PKK