Pêşmerge û artêşa Iraqê li ser tijîkirina valahiya ewlehiyê li hev kirin

Wezareta Pêşmerge ragihand, ew û artêşa Iraqê li ser tijîkirina wan valahiyên ku di navbera wan de hene, gihîştine rêkeftinê.
25.04.2019, Per - 12:27
Pêşmerge û artêşa Iraqê li ser tijîkirina valahiya ewlehiyê li hev kirin
Nuçe Belav bike

Sekreterê giştî yê Wezareta Pêşmerge Cebar Yawer  got, em û artêşa Iraqê li ser tijîkirina wan deverên navbera hêzên Pêşmerge û artêşa Iraqê de vala mane, gihîştin rêkeftinê.

Cebar Yawer her wiha got, li gorî wê rêkeftinê Wezareta Berevaniya Iraqê dê 5 komîteyan pêk bîne. Ew komîte dê ji Xaneqînê heta Rebîê bigerin û li ku valahî hebe, destnîşan bikin û raporta xwe bidin wezaretê. Paşê dê operasyonên hevbeş li wan deran bên kirin.

Piştî şerê DAIŞê û rûdanên 16 Cotmeha 2017, li deverên Kurdistanî yên derveyî Herêma Kurdistanê, hinek cîh hene ku ne hêzên Pêşmerge lê hene ne jî artêşa Iraqê.

Basnews
Vî nûçeyê tevayî: 321 kes dît.
Rojanekirina Dawî:00:53:11