Şandeke siyasî ya Bakurê Kurdistanê serdanê Herêma Kurdistanê dike

Nûnerê Partiya Demokratîk a Gelan (HDP) li Herêma Kurdistanê Abit Îke ragihand ku şandeke ji partiyên Bakurê Kurdistanê û HDPê pêk tê dê serdana Herêma Kurdistanê bike û bi nûnerên rêxistinên civakî yên sivîl û partiyên siyasî re hevdîtinan pêk bîne.
15.12.2019, Paz - 10:47
Şandeke siyasî ya Bakurê Kurdistanê serdanê Herêma Kurdistanê dike
Nuçe Belav bike

Nûnerê HDPê yê Herêma Kurdistanê Abit Îke ji Rûdawê re ragihand ku şanda ji Bakurê Kurdistanê di çarçoveya xebatên yekîtiya neteweyî de ji bo hin hevdîtinan tê Herêma Kurdistanê.

Abit Îke da zanîn ku şand dê nêzîkî hefteyekê li Herêma Kurdistanê bimîne û biryar e bi nûnerên rêxistinên civakî yên sivîl û partiyên siyasî re hevdîtinan pêk bîne.

Şande ji Hevserokê Kongreya Civaka Demokratîk (KCD) Berdan Ozturk, parlamenterên HDPê Îmam Taşçier, Ayşe Acar Başaran, Nuran Îmîr, Cîgirê Hevserokên Giştî yên HDPê Nazmî Gur, Serokê Giştî yê Partiya Demokrat a Kurdistan-Tirkiye (KDP-T) Mehmet Emin Kardaş, Serokê Giştî yê Partiya Însan û Azadiyê (PÎA) Mehmet Kamaç, Serokê Giştî yê Partiya Azadî Ayetullah Aşitî pêk tê.

Nerina Azad
Vî nûçeyê tevayî: 262 kes dît.
Rojanekirina Dawî:03:51:56