Corona Kurdistan'ê zêde dibe, 142 kes nexweş derket

Wezareta Tenduristiya Herêma Kurdistanê îro 9ê Hezîranê amarên 24 saetên dawî yên nexweşiya Covid-19 belav kir.
10.06.2020, Çar - 10:11
Corona Kurdistan'ê zêde dibe, 142 kes nexweş derket
Nuçe Belav bike

Wezareta Tendirustiya Herêma Kurdistanê ragihand ku di heyama 24 saetên dawiyê de 142 kes bi koronayê ketin û kesek jî bi koronayê canê xwe ji dest da.

Wezareta Tenduristiya Herêma Kurdistanê îro 9ê Hezîranê amarên 24 saetên dawî yên nexweşiya Covid-19 belav kir.

Li gorî daxuyaniya Wezareta Tenduristiyê di dema 24 demjimêrên borî de li ser asta Herêma Kurdistanê 142 haletên nû yên tûşbûna bi vîrusa koronayê hatine tomarkirin û kesek jî miriye.

Wezaretê da zanîn ku li parêzgeha Hewlêrê 44 tûşbûn, li parêzgeha Silêmanîyê 62 tûşbûn û yek wefat, li Germîyan 33 tûşbûn, li Helebceye 2 tûşbûn û li Duhokê jî 2 tûşbûn hatin tomarkirin. 

Wezaret dibêje hejmara hevwelatîyên di Kerentînan de, 13 hezar û 589 kes bûn, niha tenê hezar û 448 kes, li 33 cihên cuda, di kerentînê de man e.

Li gor amarên wezaretê, hejmara tevaya tûşbûyan bi vîrusa koronayê li Herêma Kurdistanê gihişte hezar û 466 kesan, di nav wan de, 28 haletên mirinê hene û 542 nexweş jî baş bûne û niha 896 nexweş in û di bin çavdêrîya pizîşkî de ne.

Wezareta Tendirustiya Herêma Kurdistanê tevî destxweşiyê bo pizîşik, karmendên tenduristiyê û tevaya tîmên pizîşkî yên di kar de ne dike û daxwazê ji welatiyan dike ku pabendê rênimayiyên tendirustî bibin û xwe ji cihên qerebelax dûr bixin.


 

Nerinaazad
Vî nûçeyê tevayî: 196 kes dît.
Rojanekirina Dawî:14:23:17