Êzidî li ser çiyayê Şingalê li dijî hebûna PKKê xwe pêşan didin

Bi dehan kes li ser çiyayê Şingalê li dijî hebûna PKKê rawestiyan û daxwaz kirin, hêzên ser bi PKKê ve li Şingalê nemînin.
10.08.2020, Pts - 23:31
Êzidî li ser çiyayê Şingalê li dijî hebûna PKKê xwe pêşan didin
Nuçe Belav bike

Berpirsê Mala Êzidiyan Mam Qewal ji K24ê re ragihand, hebûna PKKê li ser Êzidiyan û çiyayê Şingalê, metirsiyeke mezin e, ji ber ku bi dehan keç û lawên Êzidiyan bi zorê revandine û niha di zîndanên wan de ne.

Mam Qewal got jî: Xwepêşandan berdewam dibin, ta PKKê ji Şingalê derdikeve û girtiyên Êzidiyan azad dikin.

Dayikên revandiyan wêneyên zarok û kesûkarên xwe bilind kiribûn û daxwaz ji hikûmeta Iraqê û civaka navdewletî kirin, di zûtirîn dem de daxwazên wan bi cih bînin û zarokên wan azad bikin.

Berî hefteyekê jî xelkê Şingalê xwepêşandanên hevawa kiribûn û digotin, ewê di xwepêşandanên xwe de berdewam bibin, ta daxwazên wan bi cih dibin.

K24
Vî nûçeyê tevayî: 160 kes dît.
Rojanekirina Dawî:12:54:36