Artêşa Sûriyê derbasî nav hejmarek bajarên Rojavayê Kurdistanê bû

Di çarçoveya rêkeftina Rêveberiya Xweser û Hikûmeta Şamê de, hêzên Sûriyê li çend navçeyên Rojavayê Kurdistanê bicih dibin û derengiya şeva bihorî hêzên Sûriyê derbasî nav bajarên Minbic, Kobanî û Til Temirê bûn.
14.10.2019, Pts - 11:40
Artêşa Sûriyê derbasî nav hejmarek bajarên Rojavayê Kurdistanê bû
Nuçe Belav bike

Ajansa “SANA” belav kir, fewca 5em a parastina sînor (Hecanê) ji bajarê Hesekê birê ket û gihîşt bajarokê Til Temirê.

Da zanîn jî, artêşa Sûriyê dê ji bajarokê Til Temirê û heta bajarokê Dirbêsiyê û Serê Kaniyê hêzên xwe belav bike.

Nahiya Til Temirê 40 K.M li bakurê rojavayê Hesekê û 35 K.M li başûrê rojhilatê Serê Kaniyê li ser riya navdewletî (M4) e û di destê Hêzên Sûriyê Sûriyeya Demokratîk (HSD) de ye.

Ji aliyê xwe ve, medyay Rûsî belav kir, artêşa Sûriyê gihîşt bajarê Tebqa li rojavayê Reqayê û li derdora firokxaneya Tebqayê belav bûye û dibe di çend demjimêrên bê de, HSD wê firokxaneyê radestî wê artêşa Sûriyê bike.

Ev gava gihîştina artêşa Sûriyê bo Til Temir û Tebqayê piştî wê yekê tê, duhî HSD û Rêveberiya Xweser ragihandin, wan li gel hikûmeta Sûriyê li hev kirine, ku hêzên artêşa Sûriyê bi dirêjahiya sînorê bi Tirkiyê re bêne bicihkirin.

 

Nerina Azad
Vî nûçeyê tevayî: 258 kes dît.
Rojanekirina Dawî:04:15:56