HSD red dike mûşek avêtibin nava xaka Tirkiyê

Derengê şeva bûrî 2 mûşek ji Rojavayê Kurdistanê bo nava xaka Tirkiyê hatin avêtin û hejmarek welatî birîndar bûn. HSD jî dibêje, ne wan avêtiye û ew lêkolînê di wê bûyerê de dikin.
23.07.2019, Sal - 09:54
HSD red dike mûşek avêtibin nava xaka Tirkiyê
Nuçe Belav bike

Wezareta Berevaniya Tirkiyê ragihand, şeva bûrî 2 mûşek ji Serê Kaniyê ya Rojavayê Kurdistanê ve li bajarokê Serê Kaniyê ya Bakur ketin, yek ji wan mûşekan li malekê ket û di encamê de 6 welatiyên sivîl birîndar bûn.

Di wê derbarê de Berdevkê Fermî yê Hêzên Sûriyeya Demokratîk (HSD) Kîno Gabriyêl ragihand, "Êvara roja Duşemê 22‘ê Tîrmehê topek ji aliyê kesên nenas ve ji hundirê Sûriyê bi aliyê bajarokê Ceylan Pinarê yê Tirkiyê ve hatiye avêtin, di encamê de hejmarek sivîl birîndar bûn.”

Peyvdarê HSDê got: Ev kiryar bi armanca derxistina tevliheviyê û ji aliyê kesên nenas ve hatiye kirin, ku dixwazin fitneyê çê bikin.

HSD û hêzên ewlehiyê ji bo naskirina kesên li pê vê bûyerên lêpirsîn dane destpêkirin. Hat ragihandin ku kesekî bergûman hatiye girtin.

Nerina Azad
Vî nûçeyê tevayî: 143 kes dît.
Rojanekirina Dawî:14:50:52