Îlham Ehmed: Rêkeftina bi rêjîma Sûriyê re tenê leşkerî ye

Li ser pirsa êrîşa Tirkiyê li ser Rojavayê Kurdistanê, şandeke MSDê bi Wezareta Derve ya Siwêdê re civiya .
17.10.2019, Per - 16:34
Îlham Ehmed: Rêkeftina bi rêjîma Sûriyê re tenê leşkerî ye
Nuçe Belav bike

Hevseroka Meclîsa Sûriyeya Demokratîk (MSD) Îlham Ehmed ji K24ê re ragihand, Di civînê de guftûgo li ser êrîşên artêşa Tirkiyê li ser Rojavayê Kurdistanê û rola Siwêdê di nava civaka navdewletî de bo rawestandin û xistina dorpêçan ser Tirkiyê hatin kirin.

Diyar kir jî, Tirkiye endameke NATOyê ye yasayên navdewletî binpê kiriye û derbasî xaka welatî din bûye û bi firokeyên NATOyê êrîşî gelê navçeyê dike, ku wî gelî fedekariyên gelekî mezin di şerê DAIŞê de kiriye û pêwîst bû li hember wê yekê xizmet hatiba kirin, lê berûvajî wê Tirkiyê êrîşên pir dijwar li ser sivîlan û hêza ku parastina mirovahiyê kiribû dike.

Îlham Ehmed diyar kir, Wezareta Derve ya Siwêdê piştevaniya xwe nîşan da û da zanîn, ku ew kar bo rawestandina vê êrîşê dikin.

Derbarê rêkeftina HSD û artêşa Sûriyê de, Îlham Ehmed got, ew rêkeftin tenê leşkerî ye, dê li ser sînor li hember êrîşên Tirkiyê cihê xwe bigire û ji bo parastina gel e.

Nerina Azad
Vî nûçeyê tevayî: 198 kes dît.
Rojanekirina Dawî:03:54:41