Trump: Pêwendiya me ya baş bi Kurdan re heye

Serokê Amerîka Donald Trump ragihand, Tirkiye dê bi rêkeftina agirbestê ya li bakurê Sûriyê pabend be û pêwendiya wan a baş bi Kurdan re heye.
14.11.2019, Per - 10:49
Trump: Pêwendiya me ya baş bi Kurdan re heye
Nuçe Belav bike

Serokê Amerîka Donald Trump di konferanseke rojnamevanî ligel Serokomarê Tirkiyê Recep Teyip Erdogan de ragihand, kirîna Tirkiyê ji mûşekên S-400 rikberiyeke mezin ji Washingtonê re ye, ewê wê pirsê bi berdewamî guftûgo bikin.

Trump hêvî kir ku karibin ev pirs çareser bibe û diyar kir, wî û Erdogan daxwaz ji wezîrên derve yên herdu welatan kirine, kar li ser çareserkirina vê pirsê bikin.

Trump ragihand, Tirkiye hevpeymaneke NATOyê ye û hevpeymaniya di navbera Amerîka û Tirkiyê de ji bo NATO û Rojhilata Navîn girîng e.

Li ser pirsa êrîşa Tirkiyê li ser Rojavayê Kurdistanê û bakurê Sûriyê, Trump got: Tirkiye dê pabend be bi rêkeftina agirbestê.

Trump di bersiva pirseke peyamnêrê Kurdistan24ê de ragihand, pêwendiyeke wan a baş bi Kurdan re heye û rola Kurdan a gelek mezin di şerê li dijî DAIŞê de hebû.

Ji aliyê xwe ve, Erdogan ragihand, ew dixwazin rûpele nû ya pêwendiyan bi Amerîkayê vekin û Tirkiye û Amerîka dikarin ewlehî û aramiyê li Sûriyê peyda bikin û DAIŞê bi yekcarî bidawî bikin.

Diyar kir jî, Tirkiyê 200 endamên DAIŞê desteser kirine û Enqere û Washingtonê dibînin ku divê welatên Ewropayê, endamên DAIŞê yên nasnameya wan hildigirin werbigirin.

Careke din Erdogan got, ewê 2 milyon pneberên Sûrî yên li Tirkiyê ne, li deverên cuda yên bakurê Sûriyê bicih bike û aşkere kir, welatê wî 365 hezar penaber vegerandiye Cerablusê.

Erdogan amaje bi wê jî kir, Tirkiyê bi operasyona xwe ya dawiyê, rê li ber ecindeyên YPGê yên cudaxweziyê girtiye.

Nerina Azad
Vî nûçeyê tevayî: 290 kes dît.
Rojanekirina Dawî:12:56:32