Washington Post: Amerîka li Bakûrê Sûriyê herêmek ava dike

Li gorî nûçeya Washington Post'ê Rayedarên Amerîkî ragihandine ku piştî DAIŞ'ê bi temamî têk biçe jî, niyeta wan tine ku hêzên xwe ji Sûriyeyê bikişînin daku bikarin fişarê li Serokê Sûriyeyê Beşar Esadî bikin.
23.11.2017, Per - 16:54
Washington Post: Amerîka li Bakûrê Sûriyê herêmek ava dike
Nuçe Belav bike

Rojnameya Washington Postê ragihand ku çavkaniyên taybet gotiye: "Hêzên Amerîkî dê piştî têkbirina DAIŞ'ê jî li Sûriyeyê li wan deverên ku QSDê kontrol dike bimînin, ji ber ku derketina wê tê wateya ku Îran û Beşar Esad bi ser kevin."

Herwiha li gorî wê nûçeyê, "Hêzên Amerîkî dê li cihên xwe yên berî bimînin û Hêzên Sûriyeyê dê careke din bikaribe deverên di destê QSD'ya ku YPG pêşengiya wê dikin kontrol bike."

Nûçe diyar dike ku hejmara fermî ya leşkerên Amerîkî li Sûriyeyê, 503 ye û ew li wir in daku QSDê perwerde bike û alîkariya wan bike û wiha dewam dike: Lê tê bawerkirin ku hejmara rasteqîn bi gelekî zêdetir e".

Ji aliyê din ve, tê gotin ku "mayîna hêzên amerîkî li Sûriyeyê nexasim li deverên di bin kontrola QSD'ê de û avakirina birêveberiyeke Xweser ne girêdayî Şamê li wan deveran dê derfetê çêke ku fişarê li Hikûmeta Sûriyeyê bike".

Nerina Azad
Vî nûçeyê tevayî: 700 kes dît.
Rojanekirina Dawî:18:50:31